Familien Grande Dyb

2 ÅR!!! (Og åtte dagar...)

2010-04-25T00:30:00.001-07:00

Bursdagsfeiring i Eksil er ikkje berre, berre - men med kreativ mor og kjøpesterk (ha!) far så vart det ein gilde dag for både store og små. Dagen starta med bytur og barneteater:

Tema for forestillinga var sommarfuglar. Etter ca. ein halvtime med musikk, dans og bruk av "levande" insektprops fekk publikum lov til å kome opp på scena og leike med utstyret. Sjølv om Iben ser alvorleg ut på bilde så kosa ho seg og sat konsentrert og i ro gjennom heile forestillinga. Ved heimkomst var det tid for presang:

Det siste bilde seier alt: kjøkken = suksess! Men sjølv om iveren etter å lage fiktiv mat var stor, mangla det ikkje på motivasjon til å fortære mamma's bløtkake.

Og til slutt, eit ufrivilleg blinkskot som stiller følgjande spørsmål: kven kan blåsa forutan hjelp?

Kosepiene mine!

2010-03-14T05:11:00.000-07:00

Vanskeleg å vite kven som er inne og ser på oss, men eg har i alle fall fått beskjed frå ein beundrar at det snart måtte skje noko på bloggen vår! Kva er vel meir naturleg enn nokre blinkskot av mine snille, vakre pie?

Nytt år, nye tonar

2010-01-24T10:18:00.000-08:00

Så konsentrert kan ein vere om å lage ein tone på eit gamalt elektrisk orgel. Underteikna har timar med underhaldning og terapi på den krakken, og det såg faktisk ut til at Iben verkeleg nytte dei stundene ho fekk til å spele og trykke på knappar i kjellarstua på Ju.

2009 er historie. Det siste vi fekk oppleve i det gamle året var jul- og nyttårsfeiring saman med kjente og kjære på Øya. Deilig... Hektisk, ja - altfor fort over, ja - men utrulig godt å vere i lag med alle saman, og, ikkje minst, å få servert masse god mat og underhaldning same kor vi var.

2010 har starta litt trått. Januar har gått fort, men sjukdom og feber har plaga oss litt inne i mellom. Ufrivilleg fri frå barnehage, jobb og skule er ikkje populært, så ein kan berre takke for at i alle fall veret har vore upåklageleg. Kald, roleg vinter. Kven hadde vel trudd det om bergensklimaet? Ikkje vi, og ingen bergensarar heller, for såvidt. I tillegg til redusert allmentillstand frå tid til annan har også Iben fått sin første tur til lækjarvakta. Eit ublidt møte med ein vinduskarm (tilpassa lav) på barnehagen gav prinsessa vår eit såpass fælt kutt på hakespissen at stripsing vart anbefalt. Tøffa gret knapt når ho slo seg, og blødde heller ikkje så mykje, men sjølve stripsinga var nok litt småtraumatisk. Pytt, pytt - haka er fin som før og modellkarrieren er redda.

Så gjør vi så når vi baker i by'n...

2009-12-01T08:21:00.000-08:00

Adventstida er herleg... Og kva er vel betre enn å innleie ventinga med litt julebakst? Iben var ivrig og konsentrert gjennom både pepperkaker og "julemanna" - og hamna berre i trøbbel eit par gongar for å ete deig(!) Kjevle trakterte ho som ei dreven husmor, men som de ser under var det litt verre med kva som skulle på brettet og kva som skulle kjevlast på nytt.

Sjefsbakar var i år som i fjor mammsen, til trass for, eller kanskje nettopp fordi at vikarlærar pappsen har tilbrakt store deler av hausten på skulekjøkkenet. Gode kaker vart det i alle fall, så då ventar vi berre på heimreise og julefeiring på Øya.

Åpen gard og middagsgjestar

2009-11-16T10:07:00.000-08:00

Det vart ein innhaldsrik søndag med matlaging på formiddag, så eit besøk på Øvre Eide gård for deretter servere ball til gjestar frå Bergen by. Iben vart stort sett i godt humør, og ei trassig innstilling til å gå rundt på det store området som garden strengt tatt var, viste seg å vere berettiga: ho har vakse ut av støvlane sine! Så då vart det ein del bering mellom hesteinnhegning, saudebeite og kaninbur. Men pytt sann, kva er vel fedre for om ikkje dei skal kunne bere litt av og til. Ja, ikkje for det - mammsen hjalp også til, men eg prøvde å la ho ta bilda.

Den som ventar...

2009-11-06T23:39:00.000-08:00

No trur vi ikkje at det er snakk om tusenar på tusenar av lesarar, men vi har fått vite at det i alle fall er ei bestemor, sikkert to, som er noko indignert over at det har tatt så lang tid å oppdatere bloggen vår. Unnskyldningane kunne vore mange, men det handlar til sjuande sist om trongen til å formidle, og kanskje om motivasjonen til å lage til bilde og evt. video.

Det har skjedd ein del sidan sist. Vi har vore heime på Øya og skifta til vinterdekk. Dette gjorde vi sjølvsagt i haustferien, og nytta samstundes høve til å kose oss saman med familie og venner. Tove har vore enda ein gong i utlendigheit, nærmare bestemt Paris. Berre seks dagars heime-åleine-feist, men vi rakk å sakne ho likevel. Eg har jobba som vikar på same skulen sidan første veka i jobb og det har vore både praktisk og motiverande. Iben kosar seg veldig på barnehagen. Ho er (litt for) snar å vinke "ha det" om morgonen, og det har vore gongar ho har uttrykt misnøye med å bli henta. Litt sårt, men samstundes veldig godt å vite at ho likar seg så godt saman med vaksne og born på barnehagen.

Dagens godbit er, ikkje uventa, av gojenta vår. At ho er ei god blanding av både Grande og Dyb ser dei fleste, men sjeldan er det like tydeleg som i sekvensen under. Tove har ein tendens til å auke volumet litt når ho tar telefonen, underteikna snakkar sjeldan lenge utan at vandringa tek til. Sjå og nyt ;=) Beklager lav kvalitet på lyden, og forsåvidt bilde, men det heile er tatt opp med eit vanleg digitalkamera.

Cup er cup

2009-09-26T12:41:00.001-07:00

Vi lar tre brødre som ER brødre fronte dette innlegget, med det som var eit venskapeleg bilde tatt like før dei møttast i blodig alvor på kunstgraset ved Norhordaland Folkehøgskule, Frekhaug. Lars Kristian har i lengre tid (i tillegg til 4. divisjon med Øystese) spelt på eit vennelag starta nettopp ved denne folkehøgskulen - FK Kinsek - og Andreas er med når han har lyst og/eller trengs. Ruben går fotballinja der oppe, og om det var heimefordelen som vart utslagsgivande er vanskeleg å seie, men det var faktisk yngstemann som gjekk seirande ut av brødreduellen, og i tillegg gjekk til topps i turneringa med sitt lag Fotball 1.

Iben ville sjølvsagt vere med på moroa. Vi hadde med leiker - bøtte, spann og vatn(!) - men ho var ivrigast med ball.

Drikkepause er obligatorisk. Når ein skal tilbringe ein heil dag utandørs. må det sterkare saker til enn berre vatn, så det vart ein eple-drue-bringebær drikk frå Tine som svært populært supplement.

Lagbilde av FK Kinsek. Den observante lesar vil legge merke til nok ein godøying i rekkene. Kristian Alnes er også med når det passar, og som ein kuriositet kan det nemnast at heile fem av spelarane kjem frå Sunnmøre.

Vel heime i stuggu var det tid for laurdagskos. Kalkunpølser er ein av mange favorittar for ei lita pie som neppe kan kallast anna enn matglad.

Byggmester Iben - klart ho kan!

2009-09-26T12:35:00.001-07:00

Vi har vore heime åleine i nesten ei veke no. Det har vore litt rart, må innrømme det, og vi saknar mammsen begge to. Men vi har klart oss fint, og leika mykje, mellom anna med klossar. Som De ser er ho i utgangspunktet skeptisk til faren sin design, men etter at ho fekk pynte litt på fasaden vart ho nøgd til slutt.

The Boys are back in town!

2009-09-20T11:12:00.000-07:00

Ja, ok, så er det kanskje litt i overkant og kalle meg og bror Erik Daniel the Boys med stor B, men eg følte det var på tide med ei framandlandsk overskrift. Vi er naturleg nok ikkje dei einaste onkel Erik har å besøke når han tar turen frå onkel(politi)-studier i tigerstaden og hit til Bjørgvin. Men vi fekk nokre koselege timar saman i går, laurdag, og Iben brukte ikkje mange sekund på å tø opp. Underteikna laga pizza, men gløymde å ta bilde av sjølve måltidet, så då får De nøye dykk med restane:

Ellers så er det heime-åleine-fest heile veka. Mammsen er på studietur i Sverige (Danmark), så då får vi erfare korleis det er å vere utan nestsjefen. Saknar ho allereie begge to... Om nokon skulle vere i tvil om kven sjefen er, så kan De få ei påminning:

Til slutt vil eg berre meddele at vi syns det er veldig kjekt med alle som oppdaterar bloggane sine for tida. Det er også veldig kjekt med kommentarar som på ein handfast måte gir oss stadfesting på at det faktisk er nokon som kikkar innom sida vår. Snart jul ;=)

Lys i haustmørket

2009-09-13T12:05:00.000-07:00

Vi var på Loppemarked i går, i Flaktveithallen. Målet for turen var symaskin, gitar og ei stålampe. Ein av tre må vel seiast å vere godkjendt, og for skarve hundre kroner har vi no det lille ekstra lyset vi treng for å lage det heimekoseleg for store og små.

Blåbærpiken

2009-09-12T06:47:00.000-07:00

At det skulle gå så lang tid før vi skreiv nokre ord igjen hadde vi ikkje trudd. Men det har gått i eitt, med småforkjølte foreldre og ei jente som faktisk mista eit par dagar i barnehagen forrige veke pga. ein lei hoste og dårleg nattesøvn. Denne veka var det planleggingsdag på barnehagen, så i går, fredag, var det mor og datter som kosa seg i lag, først på biblioteket og deretter på Åsane senter.

Overskrifta må nesten forklarast med eit par ord før vi kjem til det tilhøyrande bilde. Iben er søt som mora og sta som faren, det veit vi, men eitt av dei andre "trekka" ho har arva etter pappsen er appetitten på brødmat. Det har stort sett vore berre politisk korrekt pålegg så langt i livet hennar, men her om dagen fekk ho smake blåbærsylte på grovskiva - ein stor suksess, i alle fall reint smaksmessig. Dessverre fekk ho utslett i fjeset etter måltidet, men har heldigvis ikkje spurt etter søtepålegget i etterkant. Det morsomste opp i alt var likevel då ho fekk sjå seg sjølv i spegelen etterpå. I følgje mora hadde ho nemleg ei forundra grimasje som absolutt burde vore knipsa. Kvifor kan de kanskje tenke dykk sjølv?

Det skjer andre ting på heimefronten også. Vi har lenge vurdert om vi skulle kjøpe dokkevogn. Som så mange andre born starta Iben gåkarriera med å halde seg fast i ei gåvogn, og har også etter at ho slapp støttehjula vist stor interesse for å skubbe ting framføre seg. Det siste offeret i den kategorien har vore leikekassa, som til trass for at den har hjul, verken er lett å skubbe (den er lav og manglar handtak) og heller ikkje lagar den beste lyden der den fyk over det flislagde stuegolvet. Lang historie kort: vi fann eit godt tilbod på - jupps, Åsane Senter - og vips hadde minsta vår fått dokkevogn til beby'n sin.

Bankers!

2009-08-29T13:39:00.000-07:00

Tida går fort i Bergen - kvardagens ubarmhjartelege maskineri kvernar kvart eit minutt av dagslyset, og når kvelden kjem er vi passelege trøtte alle tre. Tove kjempar mot fristen for innlevering av ei akademisk oppgåve, Henning har kome i gong med vikarieringa og Iben likar seg såpass godt i barnehagen at dei første orda ho seier om morgonen svært ofte er " 'koa" eller "ha-dø" ;)

Men litt tid til leik og moro blir det, både for store og små. Siste tilskot i leikekassa plukka vi med oss på Clas Ohlson - og det vart ein knallsuksess:

Austnesekspressen

2009-08-22T14:47:00.001-07:00

Vi har faktisk fått ein del besøk her i Bergen. Først ute var Linnea og Sara, deretter fekk vi hjelp av Stine, og sist, men ikkje minst: austnesekspressen!

Dei er klokka inn 14:43, og vi såg baklysa på bilen 14:46. Ikkje noko slinger i valsen der i gården, nei. At eg rakk å ta 7-8 bilde på den tida handlar mest om panisk trykking på avtrekkaren. Det vart i alle fall eit par bilde som vart nokonlunde. Det første må takast med fordi det skjer så utruleg mykje rart her. Last gjerne ned og skriv inn tankebobler...

Så må vi nesten presentere Austnesekspressen, etter at vi forklarer at det er to grunnar til kallenamnet. For det første var besøket effektivt, dvs. kort. Men det hadde si naturlege forklaring: Volvoen var lasta med Ruben E. sine saker, som måtte fraktast til Frekhaug slik at svenskegliset kunne ta turen tilbake til Ikea og fyllast med varer til Iris K. Og alle som har vore på Ikea veit at der flyg tida fort. For det andre, og det er vi svært takknemlege for, var den blåe stasjonsvogna lasta med nokon få, viktige saker som høyrer til vårt hushald, ting vi rett og slett gløymte på Ju då vi bodde der. Så: tusen takk for hjelpa! (Fv: Iris K., Linda E. H., Karl A., Ruben E.)

Stine gir oss Coldplay

2009-08-22T14:34:00.000-07:00

Mi kjære kone var klokkeklar på kva som ville vere den beste bursdagsgåva til underteikna: billett til coldplaykonsert i Bergen. Og ho hadde, som vanleg, rett. For ein fantastisk opplevelse! Vi er framleis litt i musikalsk rus begge to, imponerte og nøgde.

Men for at kvelden kunne realiserast trengte vi hjelp. Iben skal få bli med neste gong, men ho har nok ikkje tolmod til å rangle så seint enda, sjølv om det er Chris Martin på scena. Kva gjer ein når ein nettopp har flytta frå to sett med besteforeldre, eg meiner: who you gonna call? Stine, vel!

Vi henta solstrålen på Bildøy, sette fram mat og drikke og overlot ansvaret for minsta til tante Godtepose, som vel snart må få fagbrev i barnepass. Tusen takk, Stinemor! Kom gjerne på besøk igjen når vi er her alle mann ;=)

Video?

2009-08-22T08:50:00.000-07:00

Det er strengt tatt andre ting som burde prioriterast i bloggskrivinga, men eg vart litt ivrig då web-kameraet til far dukka opp med austnesekspressen (sjå eige innlegg etterkvart).

Første snutt er konsentrert konsumering av laurdagskosen: knuste skruar/ringar i plastskål. Drømmehagen på tv'n og pappsen med kremting viss minsta reiser seg frå stolen.

Under: mammsen er faktisk meir underhaldande enn Hoppsy Daisy og Hinkel Pinkel, der ho leikar titt-tei rundt hjørnet.

Smil!

2009-08-18T02:02:00.001-07:00

Det er to ting vår kjære, lille Iben elskar: å vere ute og å bade.

Seriøst?

2009-08-16T04:36:00.000-07:00

Nei, det kan vi umogleg be om å bli tatt ndg. blogging, nokon sinne, men det betyr ikkje at vi kan gjenoppstå frå dvalen og ta til med litt nettbasert sjølvpropaganda igjen.

Vi har flytta til Bergen sidan sist. No bur vi i utkanten av regnbyen, dessverre ikkje ved enden av regnbogen, men like fullt går vi straks laus på eit hektisk år med utdanning (Tove), barnehage (Iben) og lærarvikariering (Henning), før vi etter alt sannsyn tar turen nordover igjen til Øya og Resten av Livet.

Hittil har det vore rolege dagar i nye omgjevnader, etter ein hektisk køyretur sørover med ein i overkant tung statoilhengar og ei, til slutt, i overkant lei minstejente i baksetet. Men velberga fram kom vi, erfarte at husværet var prima standard og, ikkje minst, at det var uendeleg godt å ha mæmmæ og pæppæ (Bente og Elias) med på flyttelasset, slik at utpakking og oppskruing gjekk radig og utan unødige fysiske eller psykiske lidingar.

I skrivande stund ligg ei litt småsjuk Iben og slappar av - nynnar ein trall til alt overmål - medan mora er på kontoret/soverommet og skriv oppgåve som skal leverast før skulestart. Harda bud. Sjølv skriv eg utruleg nok på bloggen og vurderar kva bilete vi skal, bør, kan, skulle burde kunne legge ut og kva som skal sparast for private og/eller familiære arkiv. Må innrømme at besteforeldre, onklar og tanter og evt. spesielt innvidde får tilgang til "hemmelege" arkiv, men skal prøve å legge ut snapshots av interesse i eigna fora.

Velkommen / Welcome

2008-10-18T04:20:00.000-07:00

Klikk på bilde for å sjå album
Click on picture to view album

Vi har ikkje akkurat vore dei ivrigaste bloggarane, og toveoghenning.blogspot.com har fått veldig få oppdateringar sidan oppstarten. No er vi derimot blitt ein til, og det har tatt seg opp både med bildetaking og motivasjon til å vise fram familien vår. Sidan Henning har fleire interesserte som ikkje er så stiv i norsk, blir ein del av innlegga anten på både norsk og engelsk, eller berre engelsk til og med. Dei av dokke som ikkje forstår engelsk har god tilgang til Familien Grande Dyb i virkelegheita, og "treng" ikkje den digitale versjonen for oppdeteringar.

We can't exactly claim to be the most active bloggers, and toveoghenning.blogspot.com has not been updated many times since it was created. The addition of a family member, however, increases both the amount of pictures available and the motivation to show them off. Since Henning knows a lot of people who are not exactly fluent in the Norwegian language, a lot of the posts will be either in both Norwegian and English, or maybe even just in English. Those of you who don't understand English have access to the real version of the family Grande Dyb, hence you are not in "need" of the digital version for updates.